कागल तालुक्यातील खडकेवाडा या गावात श्री .विठ्ठल तुकाराम सुपले हे पत्नी व मुलां सोबत राहतात.त्यांची स्वतः ची 5 एकर शेती आहे.या शेतीत ऊस व सोयाबीन,तंबाखू आदी वार्षिक पिके घेतात. विठ्ठल सुपले ऊस हे प्रमुख पीक घेतात.सुपले यांची शेती करण्याची पद्धत जुनीच आहे.पारंपरिक पद्धतीने ऊस शेती करतात. ऊसाची सरी 3 फुट सोडत होते.ऊस बीज प्रक्रिया करत नव्हते. ऊस लागण करताना दाट ऊस लागण करत दोन रोपात योग्य अंतर ठेवत नव्हते.ऊसामध्ये सरीत तुडुंब भरून पाट पाणी देत होते. सुपले यांचे अनावश्यक असे पाणी नियोजन होते.कोणत्या रोगाचा प्रादुर्भाव झाला आहे. याची माहिती नव्हती.त्यामुळे ते फवारणी करत नव्हते.त्याना उत्पन्न घेताना अडचणी येत होत्या.हवामान माहिती नव्हती.ऊसाची लागण करण्याची पद्धत व बियाणाची निवड कशी करावी हे माहीत नव्हते.हुमणी किडीचे नियंत्रण करता येत नव्हते. खोडवा पिकाचा फुटावा कमी येत होता.युरिया , डी.ए पी. , 24:24:0 रासायनिक खते वापरत होते. सूक्ष्म अन्नद्रव्यांचा वापर करत नव्हते.
विठ्ठल सुपले यांना रिलायन्स फौंडेशनद्वारे उस पिकासाठी मशागत करताना शेणखत व कंपोस्ट खताचा वापर करणे सेंद्रिय कर्बाचे प्रमाण वाढवण्यासाठी उपाय योजना बद्दल माहिती मिळाली. ऊसाच्या सरीतील साडेचार फुट अंतर ठेवून सरी काढली. दोन रोपातील योग्य अंतर ठेवले.हुमणी नियंत्रण करण्यासाठी पंपाला 50 ग्रॅम मेटाराईझम बुरशीचा वापर केला.यामुळे हुमणी नियंत्रण झाले.विठ्ठल सुपले यांनी रिलायन्स फाऊंडेशनच्या माहितीतून बीज प्रक्रिया करताना जैविक व रासायनिक बिजप्रक्रिया केली.युरिया - सिंगल सुपर फॉस्फेट मेरिटोऑफ पोटॅश तसेच मॅग्नेशिअम, झिंक सल्फेट ,बोरॉन यासारखे सूक्ष्म अन्नद्रव्य आदी खतांचा वापर केला.रिलायन्सच्या शेती विषयी माहितीमुळे ऊस पिकाच्या आवश्यकतेनुसार सरी पद्धतीने पाणी दिले.रोगाचा प्रादुर्भाव रोखण्यासाठी उस स्पेशियल ,बोरॉन याची फवारणी घेतली .तसेच करपा किंवा तांबेरा रोगासाठी बावीस्टीन आणि क्लोरोपायरीफोस या कीटक नाशकाची आवश्यकतेनुसार फवारणी केली.विठ्ठल सुपले यांनी रिलायन्स फाऊंडेशनच्या शेती विषयक विविध सेवेतून माहितीचा उपयोग करून एक एकरात तब्बल 104 टनाचे विक्रमी उत्पादन घेतले. यासाठी त्यांना उत्पादन खर्च- 60000 रुपये प्रती एकरी आला.विठ्ठल सुपले याना प्रति 1 टन 3000 रुपये प्रमाणे3,12,000 रुपये मिळालेत. रिलायन्स फाऊंडेशनच्या संपर्कात येण्यापूर्वी उत्पादन खर्च एकरी 40,000हजार रुपये येत होता.एक एकरात फक्त 32 टन ऊस मिळाला होता. प्रति 1 टन 3000 प्रमाणे 96000रुपये मिळाले होते. ऊस उत्पादन खूपच कमी मिळत होते.रिलायन्स फाऊंडेशनच्या ऊस शेती विषयांवर मिळालेल्या माहितीनुसार विठ्ठल सुपले यांना उसाचे विक्रमी उत्पादन मिळून फायदा झाला आहे.
रिलायन्स फौंडेशनच्या सर्व सेवेचे श्री विठ्ठल सुपले यांनी आभारी मानले आहेत. तसेच इतर शेतकऱ्यांना व मित्रांना या सेवेचा लाभ घेऊन आपल्या शेतीचे उत्पादन वाढवावे.तसेच रिलायन्स फाउंडेशन सेवेची माहिती सांगत आहेत.
🛑 तुळस शेती करून मिळवा लाखोंचे उत्पन्न...
🛑 फायदेशीर मुक्त संचार गोठा पद्धत. | मुक्त गोठा पद्धत |
🛑 जनावरांच्या चारा पिकांचे नियोजन व आहार व्यवस्थापन कसे करावे.
🛑 सातबारा वर झाडे, विहिर, बोअर नोंद करण्यासाठी अर्ज कसा कराल.