राजर्षी शाहू शेतकरी परिवर्तन विकास आघाडीचे पन्हाळा तालुका विकास सेवा संस्था गटाचे अधिकृत उमेदवार अ‍ॅडव्होकेट विजयसिंह पाटील (उत्रेकर) कोण आहेत ?
वाघवे येथील ज्ञानेश्वर शिक्षण प्रसारक मंडळ, वाघवे
या संस्थेचे अध्यक्ष अ‍ॅडव्होकेट विजयसिंह पाटील (उत्रेकर) कार्यरत असून
संस्थेमार्फत त्यांनी वाघवे येथे ज्युनिअर
कॉलेज, यवलूज येथे सिनिअर कॉलेज व मोरोशी, ता.राजापूर, जि.
रत्नागिरी येथे माध्यमिक विद्यालयाची स्थापना करून संस्थेमार्फत गरीब व होतकरू
विद्यार्थ्यांना शिक्षणाची सोय उपलब्ध करून दिलेली आहे. दि कोडोली अर्बन को-ऑप.
बँक लि. कोडोली या बँकेच्या व्हाईस चेअरमन पदी व सलग दहा वर्षे संचालक म्हणून काम
केलेले असलेमुळे त्यांना सहकारामधील बँकींगबाबत पूर्ण अनुभव आहे. जिल्हा मध्यवर्ती
सहकारी बँक ही शेतकऱ्यांची बँक आहे.
विकास सेवा संस्थेच्या माध्यमातून व वैयक्तिक रूपाने शेतकऱ्यांना कर्ज पुरवठा करणारी एकमेव बँक आहे. संस्था सक्षम झाल्याशिवाय शेतकऱ्यांचा विकास होणार नाही. अपात्र कर्जमाफी संदर्भात ते सातत्याने गेली दहा वर्षे आंदोलन व कायदेशीर लढ्यासाठी प्रयत्नशील होते. याबाबत त्यांनी बँकेच्या सर्वसाधारण सभेमध्ये या प्रश्नावर सातत्याने आवाज उठवलेला होता. त्यांच्या वतीने सर्वोच्च न्यायालय दिल्ली येथे याचिका दाखल केली होती. शेतकऱ्यांच्या विविध प्रश्नावर ऊस दराबाबत आंदोलन करत असताना त्यांचे विरुद्ध फौजदारी गुन्हे देखील दाखल झाले होते.
आमच्याशी बोलताना अ‍ॅड.विजयसिंह पाटील (उत्रेकर) यांनी असे सांगितले की, मी खात्री देतो की, सर्व विकास सेवा संस्था व त्यांचे सभासदांचे संरक्षण करण्याचे जबाबदारी घेणेची वेळ आलेली आहे. त्यामध्ये कोणतीही कसूर करणार नाही.
Promoted Content